tg-me.com/alkalm313/24250
Last Update:
*فزاعيه او مربعه للشهيد الصدر قدس الله سره*
ــــــــــــ،،،،،، ــــــــــــــ
هاليوم التعازي بمسجد الكوفه
عله الابس جفن ويرهبن جفوفه
ــــــــــــــ،،،،،، ــــــــــــــــــ
عله الابس جفن ويصلي الجمعه
ولمحمد الصادق نهمل الدمعه
ياموت الاخذته كونك ترجعه
ويصلي الصلاة بدمعه مذروفه
ـــــــــــــــــ،،،،،، ـــــــــــــــــــ
بدمعات الحزن هاليوم ذكراهم
انطه اولاد لجل الدين ضحاهم
هناك حسين بالجنه يتلگاهم
وشامخ يا ضريحه وكلها طــــــوفه
ـــــــــــــ،،،،، ـــــــــــــــ
ـشامخ والشهاده وسام خل تشهد
دنيا واخره يالاسمك تخلد
الك صولات ضد الطاغي ماتنعد
اسمك باالشهاده محله حروفه
ـــــــــــــــ،،،،،،،ــــــــــــــــــ
هيبه يصدر والكل يهابونه
مصلي الجمعه ياوسفه يفگدونه
الشيعه يبو مؤمل تبجي محزونه
غدروك بحقدهم هاي معروفه
ـــــــــــــــ،،،،، ـــــــــــــــــ
يحيف اهل الغدر والحقد شب جمره
لجل الدين ضحه ونگضه عمره
السووه هالجريمه ناره مستعره
ماالهم اثر وگبور مخسوفه
ـــــــــــــــــ،،،، ــــــــــــــــــ
گبور مهدمه من الاثر نمحيهم
الصدر هناك بالمحشر يقاضيهم
بالحسره وندامه يضل طاغيهم
يضل للموت ذكرك ابد منعوفه
ــــــــــــــ،،،،، ــــــــــــــــــــ
*تمت بقلم خادمة اهل البيت ع ام وليــــ✍️ــــد الموسوي لا اجيز حذف الاسم شرعا الفاتحه الى روح والدي*
https://www.tg-me.com/us/منتدى القلم الفاطمي لشاعرات أهل البيت ع /com.alkalm313
BY منتدى القلم الفاطمي لشاعرات أهل البيت (ع)
Share with your friend now:
tg-me.com/alkalm313/24250